පිනි බිඳ
ඉඩදෙන්න මට
සෝදාහරිනට
ඔබේ සුමුදු දියෙන්
ජීවිතයේ අඳුරු දෑත්

-බෂෝ-

මැකී යා යුතුද වසන්තය?
කුරුල්ලනි හඬන්න
මාළුවෝ, වගුරන්න කඳුළු 
මලානික සීතල  ඇස්වලින්

-බෂෝ-

හයිකු | ඉසා | 14

දුක්බර ලෝකයක්
සුන්දරව පිපී නටන මල්
වැටෙන්නට නියමිත
හරියට අපි වගේ ම

ඉසා

මගේ අපූරු ප්ලම් තුරු යුගළ
බලන්න මල් පිපෙන හැටි
දැන් එකක
අනෙක පසුවට
 

-බුසොන්-

අප්‍රේල් සුළඟ
කැලතෙයි විලෝ පත් අතර
සමබරව පාවෙන 

සමනලයෙක්
 

-බෂෝ-

කඳුකර රෝස  පෙති
දැන් දැන් 

වැටෙමින් වැටෙමින්
දිය ඇල්ලේ සංගීතය

-බෂෝ-

සුළං හමන වැසි වැටෙන
නැමුණු බාර්ලි යට තණකොළ
ඇත්තෙන්ම
මම පටු පාරක්
 

-ජෝසෝ-

සීත සැඳෑවක
ටිකකට ඉල්ලා ගතිමි
පරණ පන්සලක දොර පියස්සක්
තැටිය මත පැන්සයක්
 

-ෂිකි-

නදිය
සයුර වෙනුවෙන්

දිය කඳුරුවලින්
මැයි වැස්ස රැස් කරයි
මුමුණන 
මොගාමි නදිය

-ජෝසෝ-

හයිකු | ඉසා | 13

පිනිබිඳු වියළෙයි
මුලු ලොවම එකම තුෂාරයක්
අදරැති නැවුම්
එහෙත් අතිර

-ඉසා-

සැඳෑවේ දිය නා
වීදියේ සල්ලාපයෙන් ඇවිදින
කුඩය සහ සහ වැහි කබාය

-බුසොන්-

 නිසොල්මන් සැඳෑකල
ෂ්! ෂ්! ෂ්! 

අසන්න දුරින් එන
තුරුණු ගෙඹි ගීතය

-බුසොන්-

මේ සරත් රැය
කිසිවෙකු නො යයි
මග දිග
 

-බෂෝ-

හයිකු | ඉසා | 12

සරල දිවියක්...
අවපැහැ වී
බිම වැටෙන
චෙරි මල මෙන්

-ඉසා-

සමණළිය
සුවඳ තවරා ගනියි
දැවටෙමින් 

ඕකිඩ් මල මත
 

-බෂෝ-