කෙටි කවි | 8

පත් හැලීම නම්

අත්හැරීම ය

ගස් පෙම් කරන්නේ

එහෙම ය

04-02-17

කෙටි කවි | 4

විචිත්‍ර ය
පැමිණීම මෙන් ම
නික්මයාම ද...
ගිලිහෙන මේපල් පත්

-මාලතී-

Photo Credit : Manel K.R. Fernando

හයිකු | බෂෝ | 23

වෙසඟනන් නිදිසුව ලබන

තානායමක ගෙවී යයි රැය;

උඳුපියලිය ගොල්ල සහ සඳ

-බෂෝ-

හයිකු | ඉසා | 16

කෘමියනි නො වැළපෙන්න

පෙම්වතුන් ද තාරකා ද

වෙන්විය විය යුතුය දවසක

-ඉසා-

හයිකු | ටොකුකු | 1

සීතල සරත් වැසි...

වැස්සට දරණු බැරි තරමට  

බැබළෙන සඳ,

රූරා වැටෙයි 

වැසි ඇඟලි තුඩු අගින්

-ටොකුකු- 

කෙටි කවි | 3

සරත් සැඳෑවක
තනිව ඇවිද යමි 
වසත් කල  අපට 
සෙවණ  දුන් 
තුරුපත් මතින්

-මාලතී -

Painting By Leonid Afremov

හයිකු | බෂෝ | 18

එතුණු වැල්
නිසල කර ඇත
පැද්දෙන පාලම..
අපේ හැකිළුණු ජීවිත
මෙන්...


-බෂෝ

කෙටි කවි - 2

නිසල සරත් සැඳෑව
කැළඹෙයි
අකල් වැස්සෙන්


-මාලතී-

Painting from  www.goodwp.com